LaoVietBank ເຊັນສັນຍາຮ່ວມມື ສະໜອງເງິນກູ້ໃຫ້ແກ່ນາຍ ແລະ ພົນທະຫານແຂວງຊຽງຂວາງ.
ໃນວັນທີ 21 ກໍລະກົດ 2021, ທີ່ຫ້ອງປະຊຸມ ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ ໄດ້ຈັດພິທີເຊັນສັນຍາຮ່ວມມືສະໜອງເງິນກູ້ໃຫ້ແກ່ນາຍ ແລະ ພົນທະຫານ ລະຫວ່າງ ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ ສາຂາຊຽງຂວາງ ກັບ ກອງບັນຊາການທະຫານແຂວງຊຽງຂວາງ.
ຕາງໜ້າ LaoVietBank ໂດຍທ່ານ ຟາມ ແມັງ ຮຸ່ງ, ຫົວໜ້າສາຂາຊຽງຂວາງ ແລະ ທ່ານ ພົນຈັດຕະວາ ຂັນທອງ ວົງອຳຄາ, ຫົວໜ້າການເມືອງກອງບັນຊາການທະຫານແຂວງຊຽງຂວາງ ໂດຍເຂົ້າຮ່ວມຂອງພະນັກງານທັງສອງຝ່າຍ.
ຈຸດປະສົງ, ກໍ່ເພື່ອເປັນການເສີມຂະຫຍາຍມູນເຊື່ອຄວາມສາມັກຄີ, ມິດຕະພາບອັນດີງາມຂອງອ້າຍນ້ອງ ລາວ-ຫວຽດນາມ, ໂດຍສະເພາະກອງບັນຊາການທະຫານແຂວງຊຽງຂວາງ ແລະ ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ ໃນການຂະຫຍາຍເສດຖະກິດຄອບຄົວ, ຍົກສູງ, ແກ້ໄຂຊີວິດການເປັນຢູ່ຂອງນາຍ ແລະ ພົນທະຫານ ໃຫ້ດີຂຶ້້ນເທື່ອລະກ້າວ.
--------------------------
ທະນາຄານ ຮ່ວມທຸລະກິດ ລາວ - ຫວຽດ ຈໍາກັດ
｟ຂົວຕໍ່ແຫ່ງຜົນສໍາເລັດ｠
Hotline: 1440
LaoVietBank