LAOVIETBANK ຈັດກອງປະຊຸມສະຫລຸບການເຄື່ອນໄຫວທຸລະກິດ 09 ເດືອນຕົ້ນປີ ແລະ ບັນດາການເຄື່ອນໄຫວກິດຈະກຳຕ່າງໆ
ນັບແຕ່ວັນທີ 02-03/10/2015 ຢູ່ທີ່ນະຄອນຫລວງວຽງຈັນ, ທະນາຄານຮ່ວມທຸລະກິດລາວຫວຽດ ໄດ້ຈັດກອງປະຊຸມສະຫລຸບການເຄື່ອນໄຫວທຸລະກິດ 09 ເດືອນຕົ້ນປີ, ຜັນຂະຫຍາຍວຽກງານຈຸດສຸມ 03 ເດືອນທ້າຍປີ ແລະ ບັນດາການເຄື່ອນໄຫວກິດຈະກຳອື່ນໆ.
ໄດ້ກາຍເປັນບັນດາການເຄື່ອນໄຫວທີ່ຈັດຂຶ້ນເປັນປະຈຳ, ແນໃສ່ສະຫລຸບ, ຕີລາຄາຜົນການຜັນຂະຫຍາຍແຜນທຸລະກິດ 09 ເດືອນຕົ້ນປີ, ຜັນຂະຫຍາຍບັນດາວຽກງານຈຸດສຸມ 03 ເດືອນທ້າຍປີ. ນັບແຕ່ວັນທີ 02– 03/10/2015, ຢູ່ທີ່ຫໍປະຊຸມແຫ່ງຊາດລາວ, ທະນາຄານຮ່ວມທຸລະກິດລາວຫວຽດ ໄດ້ເປັນກຽດຈັດກອງປະຊຸມສະຫລຸບການເຄື່ອນໄຫວທຸລະກິດ 09 ເດືອນຕົ້ນປີ, ຜັນຂະຫຍາຍບັນດາວຽງງານຈຸດສຸມທ້າຍປີ ແລະ ຈັດບັນດາກິດຈະກຳອື່ນໆຢູ່ຫໍປະຊຸມແຫ່ງຊາດລາວ. ເຂົ້າຮ່ວມໃນງານມີປະທານສະພາບໍລິຫານ, ຄະນະຜູ້ອຳນວຍການ ແລະ ພະນັກງານເກືອບ 400 ກວ່າຄົນຂອງທົ່ວລະບົບ.
ໃນສະພາບການທີ່ເສດຖະກິດປະສົບຄວາມຫຍຸ້ງຍາກ, ການເຄື່ອນໄຫວທຸລະກິດຂອງ LaoVietBank ຍັງບັນລຸໄດ້ບັນດາໝາກຜົນທີ່ໜ້າເພິ່ງພໍໃຈ: ຮອດໄລຍະທ້າຍເດືອນ09/2015, ລວມຍອດມູນຄ່າຊັບສີນທັງໝົດບັນລຸຫລາຍກວ່າ 860 ລ້ານ USD, ເພື່ມຂຶ້ນ 24% ທຽບກັບຕົ້ນປີ; ການລະດົມທຶນເພື່ມຂຶ້ນ 30%; ສິນເຊື່ອເພື່ມຂຶ້ນ 31%; ເກັບລາຍຮັບການບໍລິການສຸດທິເກີນ 02% ແຜນມອບໝາຍ; ກຳໄລເກີນ 02% ແຜນມອບໝາຍ.
ພິເສດ, ໃນປີ 2015 LaoVietBank ເປັນທະນາຄານທຳອິດຢູ່ລາວທີ່ໄດ້ເຈລະຈາສຳເລັດ ແລະ ໄດ້ຮັບຮອງສະໜອງທຶນຈາກຕະຫລາດການເງິນສາກົນ ມູນຄ່າ 60 ລ້ານໂດລາສະຫະລັດ. ຈາກຜົນສຳເລັດດັ່ງກ່າວໄດ້ຢັ້ງຢືນຄວາມເຊື່ອໝັ້ນ, ເຄື່ອງໝາຍການຄ້າ,ຈຸດຢືນຂອງ LaoVietBank ບໍ່ພຽງແຕ່ຢູ່ໃນຕະຫລາດການເງິນລາວ ແຕ່ມັນຍັງເລີ່ມກ້າວສູ່ຕະຫລາດການເງິນສາກົນ, ນຳເອົາ LaoVietBank ໃຫ້ກາຍເປັນທະນາຄານທີ່ເດີນຕາມມາດຖານສາກົນໃນເທື່ອລະກ້າວ.
ກຳນົດວຽກງານການລະດົມທຶນເປັນວຽກງານຈຸດສຸມ, LaoVietBank ໄດ້ຈັດກິດຈະກຳສົ່ງເສີມຂະບວນການ “100 ວັນລະດົມທຶນຢ່າງມີປະສິດທິຜົນ” ໃຫ້ແກ່ພະນັກງານທົ່ວລະບົບ, ກິດຈະກຳໄດ້ກາຍເປັນການເຄື່ອນໄຫວແຂ່ງຂັນຢ່າງເປັນຂະບວນການຟົດຟື້ນລະຫວ່າງພະນັກງານ, ໜ່ວຍງານໃນທົ່ວລະບົບ. ຫລັງຈາກສີ້ນສຸດກິດຈະກຳ, ຜົນການລະດົມທຶນຂອງ LaoVietBank ເພີ່ມຂຶ້ນສຸດທິ 21 ລ້ານໂດລາສະຫະລັດ, ຈາກໝາກຜົນດັ່ງກ່າວໄດ້ປະກອບສ່ວນເພີ່ມແຫລ່ງທຶນລະດົມໂດຍກົງ. ເພື່ອຮັບຮູ້ບັນດາຜົນງານຂອງບຸກຄົນ, ໜ່ວຍງານທີ່ມີຜົນງານດີເດັ່ນໃນກິດຈະກຳ “100 ວັນລະດົມທຶນຢ່າງມີປະສິດທິຜົນ” ປະທານສະພາບໍລິຫານ ແລະ ຄະນະອຳນວຍການ LaoVietBank ໄດ້ມອບ 01 ລາງວັນທີໜຶ່ງ, 02 ລາງວັນທີສອງ ແລະ 03 ລາງວັນທີສາມ ໃຫ້ບັນດາບຸກຄົນ, ໜ່ວຍງານທີ່ມີຜົນງານດີເດັ່ນໃນທົ່ວລະບົບພາຍຫລັງກິດຈະກຳ 100 ວັນລະດົມທຶນຢ່າງມີປະສິດທິຜົນ.
ໃນລະຫວ່າງລາຍການສະຫລຸບການເຄື່ອນໄຫວທຸລະກິດ, ຄະນະຊາວໝຸ່ມຮາກຖານ LaoVietBank ແລະ ຄະນະຊາວໜຸ່ມ BIDV ໄດ້ຈັດກອງປະຊຸມແລກປ່ຽນບົດຮຽນລະຫວ່າງສອງຄະນະຊາວໜຸ່ມ ແນໃສ່ຍົກສູງບັນດາການເຄື່ອນໄຫວຂອງຄະນະຊາວໜຸ່ມລາວ, ພ້ອມທັງເປັນການແບ່ງປັນບັນດາປະສົບການຈາກບັນດາການເຄື່ອນໄຫວລວມໝູ່ຂອງຄະນະຊາວໜຸ່ມ BIDV, ນຳເອົາການເຄື່ອນໄຫວຂອງຄະນະຊາວໜຸ່ມຮາກຖານ LaoVietBank ມີຄວາມຫ້າວຫັນ, ພັດທະນາ ແລະ ປະກອບສ່ວນຫລາຍກວ່າເກົ່າເຂົ້າໃນໝາກຜົນຂອງການເຄື່ອນໄຫວຂອງ LaoVietBank ເທື່ອລະກ້າວ ກໍ່ຄືຕໍ່ກັບສັງຄົມ, ປະຊາຊົນລາວດ້ວຍບັນດາການເຄື່ອນໄຫວທີ່ແທ້ຈິງ, ມີປະສິດທິຜົນ.
ນອກຈາກລາຍການຕົ້ນຕໍແມ່ນກອງປະຊຸມສະຫລຸບການເຄື່ອນໄຫວທຸລະກິດ 09 ເດືອນຕົ້ນປີ, LaoVietBank ໄດ້ຈັດບັນດາກິດຈະກຳອື່ນໆອີກເຊັ່ນ: ການແຂ່ງຂັນກິລາຢູ່ສະໜາມກິລາມະຫາວິທະຍາໄລສັບພະວິຊາ ແລະ ການປະກວດສີນລະປະວັນນະຄະດີຢູ່ໂຮງແຮມດອນຈັນ. ບັນດາກິດຈະກຳໄດ້ສ້າງຄວາມມ່ວນຊື່ນ, ເພີ່ມທະວີຄວາມສາມັກຄີໃນທົ່ວລະບົບ, ພ້ອມກັນສ້າງ LaoVietBank ໃຫ້ນັບມື້ຂະຫຍາຍຕົວ, ປະກອບສ່ວນຢ່າງຕັ້ງໜ້າພ້ອມກັບພັກ, ລັດຖະບານລາວໃນການກໍ່ສ້າງ ແລະ ພັດທະນາປະເທດຊາດນັບມື້ນັບຂະຫຍາຍຕົວ.