ພິທີເປີດໜ່ວຍບໍລິການ ດອນໜູນ (ວັນທີ 04/05/2015)
ວັນທີ 04/05/2015, ຢູ່ທີ່ນະຄອນຫລວງວຽງຈັນ, ສປປ ລາວ, ທະນາຄານຮ່ວມທຸລະກິດ ລາວຫວຽດ (LaoVietBank) ໄດ້ຈັດພິທີຕັດ libin ເປີດໜ່ວຍບໍລິການດອນໜູນ ແລະ ນໍາເອົາ ໜ່ວຍບໍລິການດອນໜູນເຂົ້າສູ່ການເຄື່ອນໄຫວຢ່າງເປັນທາງການ.
ເຂົ້າຮ່ວມ ແລະ ເປັນສັກຂີພິຍານໃນພິທີມີ ທ່ານ ເຈີ້ນ ບ້າວ ຫຍ່າມ – ທູດການຄ້າ ສສ ຫວຽດນາມ ປະຈຳລາວ; ທ່ານ ພັນຊະນະ ຄູນນຸວົງ - ຮອງຜູ້ອຳນວຍການໃຫຍ່ BCEL, ຮອງປະທານສະພາບໍລິຫານ LaoVietBank; ທ່ານ ຈັນທະລາ ອີນທະລັງສີ ເຈົ້າເມືອງ ເມືອງໄຊທານີ, ອຳນາດການປົກຄອງທ້ອງຖີ່ນເມືອງໄຊທານີ, ບ້ານດອນໜູນ ພ້ອມດ້ວຍບັນດາລູກຄ້າ, ຄູ່ຮ່ວມທຸລະກິດຂອງ LaoVietBank ຢູ່ລາວ.
(ທ່ານ ບົວວັນ ສີມາລີວົງ-ຮອງຜູ້ອຳນວຍການ ທລວ ກ່າວຄຳປາໄສໃນງານ)
ກ່າວປາໄສໃນພິທີ, ທ່ານ ບົວວັນ ສີມາລີວົງ – ຮອງຜູ້ອຳນວຍການໃຫຍ່ LaoVietBank ໃຫ້ຮູ້: “LaoVietBank ສ້າງຕັ້ງຂຶ້ນແຕ່ເດືອນ 06 ປີ 1999, ຜ່ານພົ້ນ 15 ປີແຫ່ງການກໍ່ຕັ້ງ ແລະ ຂະຫຍາຍຕົວ, LaoVietBank ໄດ້ກາຍເປັນທະນາຄານທຸລະກິດໜຶ່ງທີ່ນອນຢູ່ໃນແຖວໜ້າຢູ່ ສປປ ລາວ ໂດຍມີຍອດຊັບສີນທັງໝົດບັນລຸຫລາຍກ່ວາ 700 ລ້ານໂດລາສະຫະລັດ, ລວມຍອດໜີ້ສິນເຊື່ອບັນລຸ 512 ລ້ານໂດລາສະຫະລັດ, ລະດົມທຶນບັນລຸເກືອບ 600 ລ້ານໂດລາສະຫະລັດ”, ຕາໜ່າງການເຄື່ອນໄຫວນັບມື້ໄດ້ຮັບການເປີດກ້ວາງຢູ່ບັນດາແຂວງຂອງລາວ.
(ພິທີມອບຂໍ້ຕົກລົງສ້າງຕັ້ງໜ່ວຍບໍລິການດອນໜູນ)
ຫ່າງຈາກນີ້ປະມານ 02 ເດືອນ LaoVietBank ກໍ່ໄດ້ເປີດນຳໃຊ້ ແລະ ເຄື່ອນໄຫວໜ່ວຍບໍລິການ ໂດງດົກ ແລະ ໃນມື້ນີ້ LaoVietBank ສືບຕໍ່ເປີດນຳໃຊ້ ແລະ ເຄື່ອນໄຫວຢ່າງເປັນທາງການ ໜ່ວຍບໍລິການ ດອນໜູນ. ດັ່ງນັ້ນ, ມາຮອດປະຈຸບັນ LaoVietBank ມີ 06 ສາຂາ ແລະ 08 ໜ່ວຍບໍລິການ, ເຄື່ອນໄຫວຢູ່ 08 ແຂວງໃນທົ່ວປະເທດ, ປະຈຳຢູ່ບັນດາຂົງເຂດຈຸດສຸມເສດຖະກິດເຊັ່ນ: ນະຄອນຫລວງວຽງຈັນ, ແຂວງຈຳປາສັກ, ຫລວງພະບາງ, ສະຫວັນນະເຂດ, ຊຽງຂວາງ, ອັດຕະປື, ຄຳມ່ວນ ແລະ ແຂວງອຸດົມໄຊ. ສະເພາະໃນນະຄອນຫລວງວຽງຈັນ, LaoVietBank ມີ 01 ສຳນັກງານໃຫຍ່, 05 ໜ່ວຍບໍລິການ. ທິດທາງແຜນຍຸດທະສາດໃນການຂະຫຍາຍຕົວໄລຍະປີ 2013 – 2017, LaoVietBank ຈະສືບຕໍ່ເປີດສາຂາ/ໜ່ວຍບໍລິການໃໝ່ ໃນທົ່ວປະເທດ ປະກອບສ່ວນສະ ໜອງບັນດາຜະລິດຕະພັນ, ການບໍລິການທະນາຄານທີ່ສະດວກສະບາຍ, ວ່ອງໄວ ແລະ ທັນໃຈ.
(ພິທີຕັດແຖບຜ້າເປີດໜ່ວຍບໍລິການດອນໜູນ)
ໜ່ວຍບໍລິການດອນໜູນເມື່ອເຂົ້າສູ່ການເຄື່ອນໄຫວຈະນຳເອົາຄວາມສະດວກສະບາຍໃນການເຂົ້າຫາ ແລະ ຊົມໃຊ້ບັນດາຜະລິດຕະພັນການບໍລິການທະນາຄານທີ່ທັນສະໄຫມຂອງ LaoVietBank ມາໃຫ້ພໍ່ແມ່ປະຊາຊົນ ແລະ ບັນດາວິສາຫະກິດ ຢູ່ຂົງເຂດດອນໜູນ ເວົ້າສະເພາະ, ໃນນະຄອນຫລວງວຽງຈັນ ແລະ ບັນດາຂົງເຂດໃກ້ຄຽງເວົ້າລວມ.
ພ້ອມກັນນັ້ນ, ການເປີດໜ່ວຍບໍລິການ ດອນໜູນ ໄດ້ເປັນຂິດໝາຍແຫ່ງບາດກ້າວຂະຫຍາຍ ຕົວທາງດ້ານຕາງໜ່າງການເຄື່ອນໄຫວ, ບັນຫານີ້ໄດ້ສືບຕໍ່ສະແດງເຖິງຄຳໝັ້ນສັນຍາ ຂອງ LaoVietBank ໃນການເປີດກວ້າງການສະໜອງບັນດາຜະລິດຕະພັນບໍລິການດ້ານການເງິນ, ການທະ ນາຄານໃຫ້ແກ່ສະມາຄົມນັກລົງທຶນ ແລະ ພໍ່ແມ່ປະຊາຊົນຢູ່ລາວ.